د کابل ښاروالۍ له لوري د ګذر وکالت ټاکنو د نوې مقررې له مخې د شپاړلسمې ناحیې د ۲۵ ګذر وکالت لپاره ټاکنې د کابل ښاروالۍ د مسئولانو او ټاکنو د څارونکو بنسټونو په شتون کې ترسره شوې. د ټاکنو په پایله کې ښاغلي روح الله هوتک وکولای شول د سیمې د اوسیدونکو د ۲۳۵ شفافو رایو په ترلاسه کولو سره د یاد ګذر و کالت څوکۍ خپله کړي. د ګذر وکیل د کابل ښاروالۍ او ښاریانو ترمنځ د پل حیثیت لري او په ښارۍ ابادۍ او د خلکو د ټولنیزو ستونزو په حل کې په مرسته کولو خپل مسئولیت ادا کوي. کابل ښاروالي د نوې مقررې له مخې لومړی په هغه ناحیو کې چې، د ګذر وکیل یې مړ وي، استعفا یې ورکړې وي او یا ترې د خلکو شکایت موجود وي ټاکنې ترسره کوي او وروسته دا پروسه په ټولو ناحیو کې پلې کیږي.
