د ښاري نظم عملیاتي پلان د تطبیق پر دوام، د دولسمې ناحیې اړوند د احمدشاه بابا مینې په یو شمیر سړکونو د ښاري نظم عملیاتي پلان تطبیق شو. په دې عملیاتو کې، کپې، غرفې، سیارې کراچۍ او نور ناقانونه خنډونه او تاسیسات چې د زرغونو سیمو د غصب او د فرعي سړکونو د بندیدو سبب ګرځیدل پاک او له منځه یوړل شول. دغه راز له ورڅيرمه لاسي توکو پلورونکو او د غرفو له مالکانو سره خبرې شوې، چې خپله د خپلو ناقانونه خنډونو له لرې کولو اقدام وکړي، څو ښاري نظم رامنځته او د ښار په بڼه کې د مثبت او غوره تغیر شاهدان و اوسو. له سرغړونکو سره جدي قانوني چلند کیږي.
