ټاکل شوې ده د کابل لوګر سیند پر سر د شینه او پاچا پلونو د ساختمان چارې ډیر ژر بشپړې او ګټې اخیستنې ته وړاندې شي. کابل ښاروالي د کابل ښاریانو د تګ راتګ، د اسانتیاوو برابرولو، ټولنیزې او اقتصادې ودې په موخه د نهمې او شپاړلسمې ناحیې اړوند د شینه او پاچا پلونو د ساختمان بنسټیزې چارې دوه کاله مخکې پیل کړې وې، چې د پاچا پله اوږدوالی ۵۸ متره او پراخوالی یې ۲۸.۴ متره او د شینه پل اوږدوالی ۳۹ متره او پراخوالی یې ۲۸.۴ متره دی او په بنسټیزه توګه به د قلعه زمان شپته متره سړک پر امتداد جوړ شي. د یادو دواړو پلونو ډیزاین ته په کتو دا پلونه د سیمې اړتیاوو او اقتصادي دهلیزونو ته په کتو طراحي شوي دي، چې په بشپړیدو به یې د ترافیکي جریان د تنظیم او د سیمو د نښلیدو سربیره ، د یادې سیمې او ورڅیرمه سیمو اوسیدونکو ته زیات شمیر چاپیریالي اسانتیاوې رامنځته شي. همشهری، همکاری، شاروالی
