د تنظیفي چارو د وروسته نه پاتې کیدو، د چاپیریال له ککړتیا څخه د مخنیوي او په چاپیریال ساتنه کې د ښاریانو د ونډې اخیستو په موخه په یولسمه ناحیه کې تنظیفي حشر ترسره شو. په یاد حشر کې د کابل ښاروالۍ مسئولانو،ځوانانو او د ښځو شورا استازو ګډون کړی وو. د کثافاتو تیتول او د هوا ککړتیا د کابل ښار عمده ستونزې بلل کیږي. اړینه ده څو ښاریان د کثافاتو په مدیریت او د هوا له ککړتیا څخه په مخنیوي کې له یادې ادارې سره همکار و اوسي.د روغتیايي سپارښتنو په پام کې نیول،د هوا له ککړتیا څخه مخنیوی او د ښاري فرهنګ مراعات هغه چارې دي چې د ټولنې هر وګړی یې باید پر وړاندې مسئولیت ادا کړي. په یاد حشر کې د یادې ناحیې لسګونه ښاریانو د کابل ښاروالۍ د ۲۰۰ پرسونلو سره په ګډه سړکونه جارو کړل او دغه راز تیت کثافات یې راټول او د ۲۲ ماشینرۍ په وسیله یې د ۱۵ لوډرو په مرسته د یادې ناحیې ۱۲ مسیرونه پاک کړل او شته کثافات ترې ټاکل شوو ځایونو ته ولیږدول شول.
