د کابل ښاروالۍ له نارنجي اغوستونکو څخه د ملاتړ او د ښاري فرهنګ دودولو په موخه زیات شمیر ښاریان په خپله خوښه حاضري شويدي، څو د پنجشنبې په ورځ تنظیفي حشر ترسره کړي. هغوی حاضري دي په ښار کې د تیت کثافاتو په راټولولو کې برخه واخلي. د دوی په وینا د شار پاکي او ښایست د ټولنې د ټولو وګړو او خلکو دنده ده او دوی له نارنجي اغوستونکو ملاتړ کوي. ټاکل شوې ده، د زیات شمیر ښاریانو په ګډون د پنجشنبې په ورځ لوی تنظیفي حشر ترسره شي. د کابل ښاروالۍ مسئولان په یاد حشر کې له ګډون کوونکو ښاریانو مننه کوي او هیله لري، څو نور بنسټونه هم د چاپیریال ساتنې او د کثافاتو راټولولو په برخه کې له دې لویې خدماتي ادارې سره همکار او همغږي و اوسي، څو له ککړتیا پاک ښار ولرو. تنظیفي حشر د دې دروند او ښایسته ښار د خلکو پخوانۍ دود او رواج بلل کیږي.