د ازادو او عادلانه ټاکنو موسسې( فیفا) له لوري د کابل ښاروالۍ رهبري او یو شمیر مسئولان د ګذر وکیلانو ټاکنو پروسې د پر وخت ترسره کیدو له امله وستایل شول. په یادو مراسمو کې د کابل ښاروالۍ د کلتوري او ټولنیزو چارو مرستیال سرڅیړونکي ښاغلي محمد فاضل شریفي د ټاکنو څارونکو بنسټونو د هڅو ستایلو سربیره وویل چې، د ولسواکۍ د بنسټيز کیدو او پراختیا او د خلکو له لوري د ګذر وکیل په توګه د خلکو ټاکلو له پروسې د فیفا څارنه په ټولنیزه برخه کې لویه لاسته راوړنه ده. نوموړي زیاته کړه، چې کابل ښاروالي هڅه کوي، څو د ښکیلو ټاکنیزو بنسټونو د استازو د غوره مشورو پر بنسټ د ګذر وکیلانو ټاکنو په پروسه کې د ښاریانو رضایت ترلاسه کړي .
