د ۱۴۰۰ کال د تشکیل په موخه د کابل ښاروالۍ د تشکیل کمیټې غونډه د کابل ښاروالۍ د ادراي او مالي مرستیال نظیف الله قلندرزی تر مشرۍ لاندې، د حقوقي مشاور او د بشري سرچینو او مرکز زون د رئیسانو په ګډون ترسره شوه. د افغانستان د جمهوري اسلامي دولت د کابینې د پریکړې پر بنسټ د کابل ښاروالۍ د تشکیل طرحه غونډې ته وړاندې شوه د یادې طرحې د ګټورتیا په موخه اړینې پریکړې ترسره شوې. د کابل ښاروالۍ مالي او اداري مرستیال اړتیاوو ته په کتو او تشکیل ته په کتو د ظرفیت لوړونې د خدمتونو د معیاري کیدو په موخه اړوندو څانګو ته لازمې لارښوونې وکړې، څو هر څه ژر په دې برخه کې اجراآت ترسره شي.
