د کب له نهمې یا د ملي امنیتي او دفاعي ځواکونو د ملاتړ له ورځې، د اړوند امنیتي حوزو د آمرینو، پولیسو، ګذر وکیلانو،د ښځو او ځوانانو شورا د استازو په ګډون په دیارلسمه،دولسمه او نهمه ناحیه کې نمانځنه وشوه. په یادو مراسمو کې د ناحیو مسئولانو ملي امنیتي او دفاعي ځواکونه د دې خاورې اصلي ساتونکي وبلل او زیاته یې کړه چې،د هیواد امنیتي او دفاعي ځواکونه د خلکو د ناموس ساتونکي دي او اړینه د دوی هڅې وستایل شي. په مراسمو کې دغه راز د ترانو په ویلو د دوی میړانه وستایل شوه او په مادي او معنوي ډالیو ونازول شو.
