د نیالګیو کینولو په ملي کمپاین کې د بنسټونو،شرکتونو او ادارو د برخې اخیستنې پر دوام امیري طبي کمپلکس د قرغې بند په سیمه کې د ۲۰۰ نیالګیو په کینولو سره د ښار په زرغوتیا کې برخه واخیسته، چې کابل ښاروالي د دوی دا کار ستایي او مننه ترې کوي. د کابل ښاري پراختیا ته کتو اوسنۍ زرغونې سیمې او ونې بسنه نه کوي او اړینه ده چې ټول ښاریان د نیالګیو کینولو په دې موسم کې د خپلو ملکیتونو مخې ته د یوه یوه نیالګي په کینولو سره د کابل ښار په زرغوتیا او ښکلا کې خپل مسئولیت ادا کړي.
