د ملي شورا غړې مریم کوفي د لسمې ناحیې اړوند د شیرپور پر سړک خپل اړوند دوه کانتینرونه چې د پلو لارې د بندیدو سبب ګرځیدل په خپله خوښه لرې او تنظیم کړل،چې کابل ښاروالي د آغلې کوفي له دې نیک اقدام مننه کوي او اړینه بولي څو ټول ښاریان په دې برخه کې له کابل ښاروالۍ سره همغږي او همکار و اوسي. سړکونه او د پلو لارې عام ملکیتونه دي چې په ټولو ښاریانو پورې اړه لري. له خنډونو پرته د سړکونو او پلو لارو په شتون سره به د ښار په ګڼه ګوڼه کې کمښت راشي او ورسره به د ښار بڼه غوره شي.
