د نیالګیو کینولو ملي کمپاین له پیل تر اوسه د کابل ښار په بیلابیلو ناحیو کې له ۱۴۶ زره دیر نیالګي کینول شوي دي او دا لړۍ د کابل ښار په کچه روانه ده. د کابل ښاروالۍ د ښاري خدمتونو او د زرغونو سیمو ساتلو چارو مرستیالې ډاکتر مهاب عالمي د حکومت د رسنیو په مرکز کې د یوه خبري کنفرانس په ترڅ کې وویل چې ټاکل شوې ده دا لړۍ د ۱۴۰۰ کال د وري میاشتې تر اتمې نیټې پورې دوام ومومي. نوموړي وویل چې د نیالګیو کینولو په برخه کې د اړوند ادارو ترمنځ همغږي له پخوا ښه شوې ده.
