په هیواد کې د سراسرې سولې راتلو په هیله د روان ۱۴۰۰ کال د وري میاشتې په ۶ نېټه، د رسنیو د استازو،فرهنګي شخصیتونو،ځوانانو، د کابل پوهنتون د محصلانو ټولنې او د کابل ښاروالۍ د مسئولانو په ګډون، په وزیر محمد اکبرخان تپه کې د کاغذپران فستوال ترسره شو. ګډونوالو هیله وکړه چې نوی کال دې د (سولې کال) په نوم ونومول شي.د کاغذپران لوبه د دې خاورې خلکو یوه پخوانۍ او فرهنګي لوبه ده،کاغذپران هغه الوتونکی دی چې په هوا کې بې ځانه بې روحه الوت کوي او لوبغاړو ته خوښي ور وبښي. یاد فیستوال به دوام ولري او په ټوله کې به ۱۰۰۰ کاغذپران له تار سره وویشل شي، چې زیات شمیر فرهنګیان او ځوانان به پکې ګډون وکړي او کابل ښاروالي به د فیستوال ترسره کیدو لپاره زمینه برابروي.
