د پنجشنبې حشر پر دوام دا ځل د لومړی ناحیې په یو شمیر سیمو کې د یادې ناحیې د اوسیدونکو،مشرانو،ځوانانو او ښځو شورا په ګډون حشر ترسره شو چې په پایله کې یې زیات شمیر تیت کثافات راټول او له ښاره د باندې ولیږدول شول.د دې ګډ کار په پایله کې د باغ قاضي سړک،لاهوري دروازه ،لیدلوری واټ،د میوند واټ دویمه برخه،د نوم ورکي سرتیري چوک او له پل محمودخان تر ابن سینا روغتون او سینماپامیر پورې سیمې له کثافاتو پاکې شوې.د خلکو له ګډون سربیره د کابل ښاروالۍ د تنظیف ریاست له لوري ۱۵۰ ټنه جامد کثافات راټول او ۱۰۰۰ متره ویالې هم پاکې او خلاصې شوې.کابل ښاروالي په تنظیفي حشرونو کې د کابل ښاریانو د ډیرې همکارۍ او ونډې اخیستو هیله کوي.
