د زرغونو سیمو د پراختیا او ښاري ښکلا په موخه د کابل ښاروالۍ مسئولانو او ښاریانو په ګډه د پسرلي موسم ته د ښه راغلاست په موخه سلګونه نیالګي په هغه سیمو کې کینول چې د زرغونتیا وړتیا لري. ټولو ژمنه وکړه چې د یادو نیالګیو په ساتنه او خړوب کې به مرسته کوي. د زرغونو او ښکلو سیمو شتون په ښاري او ټولنیز ژوند کې اړینه موضوع ده، ټول ښاریان باید په دې برخه کې خپل فردي او ټولنیز مسئولیتونه ادا کړي. ټاکل شوې ده د اولسمې ناحیې په کچه زرګونه نور نیالګي هم په هغه سیمو کې چې د زرغونتیا وړتیا لري کینول شي او د ځانګړو سنجول شویو لارو چارو له لارې به یې د خړوب او ساتلو په موخه اقدامات وشي.
