ښاري تاسیساتو ته د غوره لاس رسي او په پلاني سیمو د غیر پلاني سیمو بدلولو او دغه راز د ځمکو بیا پراختیا او تنظیم پروژو د تطبیق په اړه د پنځمې ناحیې د ګذر وکیلانو ته د عامه پوهاوي پروګرام ترسره شو. د پروګرام پرمخ وړونکو په وینا د یادو پروژو په تطبیق سره به ښاري ستونزې حل،د ښاریانو رضایت ترلاسه او د سیمو غوره اقتصادي ودې ته به زمینه برابره شي. په یاد پروګرام کې د ځمکو د بیا پراختیا پروژ،ښاري بیا پراختیا پراختیا او تطبیق په اړه د ګذر وکیلانو ته معلومات وړاندې شول او په پلاني سیمو د غیر پلاني سیمو اړول جدي اړتیا وګڼل شوه. کابل ښاروالي ژمنتیا لري،څو د ځمکو د استملاک،نویو لارو چارو او ښاري بیا پراختیا پر بنسټ پروژې پلې کړي. د کابل ښاروالۍ د ځمکو بیا پراختیا او بیارغونې امریت له لوري د دوست جاپان هیواد د (JICA) دفتر په مرسته د پلاني او غیر پلاني سیمو په اړه د عامه پوهاوي پروګرام له کلونو راپدیخوا عملي کوي،چې په ټوله کې د کابل ښار ماسټر پلان په بر کې نیسي او د کابل ښاروالۍ د پرمختیايي پروژو تر چتر لاندې به د تخنیکي اسنادو او پلانونو تر بشپړیدو وروسته به عملي شي. له دې کبله کابل ښاروالي په دې برخه کې له درنو ښاریانو په ځانګړې توګه د غیر پلاني سیمو له اوسیدونکو د همکارۍ هیله کوي.
