د ترافیکي ګڼې ګوڼې د کمښت او د څلورلارو د مډرن کولو په موخه د دهن باغ( دابریشم لارې) څلورلارې له جزیره يي په سیګنالایز بدلولو او په ترافیکي نښو او څراغونو د سمبالولو په موخه په وروستیو کې اقدام کړی، چې اوس مهال یې بنسټیزې چارې تر لاس لاندې دي. د دویمې ناحیې اړوند د دهن باغ څلورلارې یو له هغه څلورلارو ده چې د لیږد وسایلو تګ راتګ پکې ډیر دی او اړینه ده چې دا وضعیت غوره بدلون وکړي. له تخنیکي او فني مطالعاتو وروسته به دا څلورې په معیاري او مډرنه توګه ترافیکي حجم ته په کتو بدلون وکړي. اړینه ده ښاریان د یادې څلورلارې تر تغیر وروسته په دې ځای کې ښاري اصول او قوانین په پام کې ونیسي.
