د کابل ښاروالۍ د رهبرۍ غونډه د ټولنیزو او کلتوري چارو د مرستیال څیړنوال محمد فاضل شریفي تر مشرۍ لاندې د یو شمیر ځوانانو په ګډون د ملي دسترخوان پروګرام د بستو ویش د څرنګوالي په اړه ترسره شوه. ښاغلي شریفي وویل چې،د مدني ټولنو غړي کولای شي د خلکو د ستونزو په ښه پیژندلو او له ملي دسترخوان پروګرام څخه څارنه وکړي،ځکه په وینا یې مدني ټولنې په نړۍ او هیوادونو کې له خورا ارزښت برخمنې دي او کولای شي مسئولان او ښاریان په خپل ارزښتناک رول رهبري کړي. د مدني ټولنو غړو په دې برخه کې د خپلو وړاندیزونو او نظرونو سربیره د ملي دسترخوان پروګرام د مرستو په ویش کې د ډیرو همکاریو ژمنه وکړه.
