د دولسمې ناحیې مسئولانو د احمدشاه بابا مینې اړوند د نوروز اباد ښارګوټي د حلقوي سړک پر مسیر د شته خنډونو پر پاکولو اقدام وکړ،خو په دې برخه کې د پولیسو د همکارۍ نشتون له کبله کار ناکام شو. د کابل ښار د ماسټر پلان له مخې د احمدشاه بابا مینې اړوند c حلقوي سړک په دولسمه ناحیه کې مهمه او حیاتي پروژه ده. د یاد سړک پر مسیر ناقانونه استوګنیزې نومرې ویشل شوې او د یاد سړک د 27 مترمربع په پراخوالي سیمه یې غصب کړې ده او اوس مهال پکې ناقانونه رغونې شوې دي. په پخوا وختونو کې د نوروز اباد ښارګوټي له لوري ناقانه کانګریتي رغونې شوې دي او اوس مهال یې د حلقوي سړک پر وړاندې ستونزې را ولاړې کړې دي چې د یادو ستونزو د حل په موخه جدي اقدام ته اړتیا ده.
