د کابل ښاروالۍ رهبرۍ د کابل ښاروالۍ د پرمختیايي پروګرام څانګې له مسئولانو او مرستندویه موسسو سره د ملي دسترخوان پروګرام لپاره دعملیاتي پلان د جوړولو په موخه د همغږۍ غونډه ترسره کړه. په یاده ناسته کې د کابل ښاروالۍ د مالي او اداري چارو د مرستیال نظیف الله قلندرزي او د ټولنیزو او کلتوري چارو د مرستیال څیړنوال محمد فاضل شریفي سربیره د پرمختیايي پروګرام او مرستندویه موسسو همکارانو او ګډونوالو، اړمنو ته د ملي دسترخوان پروګرام د مرستندویه بستو د ویش او څار په اړه بحث او خبرې اترې وکړې چې ډیر ژر به دا پروګرام د کابل ښار په کچه پیل شي. د اړمنو د لیست برابرول،شفافیت،د سیمه ایزو شوراګانو د مرستو جلبول او د یاد پروګرام سرعت هغه مسایل وو چې په غونډه کې پرې خبرې وشوې.
