د لومړی ناحیې مسئولانو د روژې میاشتې په را رسیدو سره د ښاري نظم پروګرامونو په پلي کولو سره د یادې ناحیې له یو شمیر سیمو ۱۵۰ کیلو ګرامه تیر وخته خوراکي توکي راټول کړل او د دې برخې یو شمیر سرغړونکي یې د ۱۳۳۰۰ افغانیو په ارزښت نغدي جریمه او تادیب کړل او راټول شوي مواد له ښاره د باندې ولیږدول شول. کابل ښاروالي له روغتیايي سپارښتنو د څارنې سربیره خوراکي توکي هم څاري او دغه د څښاک توکي ګوري، څو له روغتیايی اړخه ډاډمن وي. هیله کیږي ټول ښاریان د خوراکي توکو د اخیستو پر وخت د توکو تاریخ او کیفیت ته جدي پاملرنه وکړي.
