د ښاریانو د جسمي او روحي سلامتیا په موخه د شپږمې ناحیې مسئولانو د یادې ناحیې په بازارونو کې له خوراکي توکو څارنه وکړه چې په پایله کې یې یو شمیر تیر وخته او بې کیفیته خوراکي توکي او څښاک مواد راټول کړ او سرغړونکي یې نغدي جریمه او تادیب کړل، دغه راز یاد تیر وخته مواد ټاکل شویو ځایونو ته ولیږدول شول. کابل ښاروالي په بازارونو کې د خوراکي توکو د نرخونو کنټرول سربیره،له روغتیايي او کیفي اړخه هغه ګوري او په اړه له قانون سره سم له سرغړونکو سره چلند کوي، څو ښاریان مصئون او صحتمند ژوند وکړي.
