د ښار په پاکۍ او چاپیریال ساتنه کې د ښاریانو د ګډون په موخه د لسمې ناحیې په اړوند سیمو کې تنظیفي حشر ترسره شو. په یاد حشر کې د ناحیې مسئولانو، ښځو،ځوانانو او د خصوصي تنظیفي شرکتونو استازو ګډون کړی وو او ټینګار یې وکړ چې اړینه ده ټول ښاریان د ښار په پاکۍ،چاپیریال ساتنه او زرغونتیا کې مرسته وکړي، ځکه پاک او صفا ښار د خلکو په مسئولیت منلو او هیودانۍ مینې پورې اړه لري. د یاد حشر په پایله کې یو شمیر تیت کثافات راټول او له ښاره د باندې ټاکل شویو ځایونو ته ولیږدول شول او دغه راز هغه د اوبو لښتي چې د کثافاتو له امله بند وو هم پاک شول.
