د لارجوړونې او ښاري بیارغونې اونۍ ، د کابل ښاروالۍ د رهبرۍ او د ټولګټو وزارت له لوري د حکومت د رسنیو په مرکز کې د یوه خبري کنفرانس په ترڅ کې پای ته رسیده. د کابل ښاروالۍ د ودانیزو چارو او ښاري ترانسپورټ مرستیال سهراب صدیقي په یاد کنفرانس کې وویل چې،یادې ادارۍ د سل ورځو سل زیرو پروګرام او د لارجوړنې او ښاري بیارغونې په لړ کې پنځه پروژې پرانیستې او ۲۰ نورې هغه یې پرانیستې ته تیارې دي. نوموړي د پاچا او شینه پلونو، له نجارانو کلا تر سرورکائنات څلورلارې او تر خواجه بغرا درې لارې د سړک، د قرغې- کابل کندهار نښلونکي سړک،د صنعتي پارکونود لومړی برخې د سړکونو او په ۷ ناحیو کې د یو شمیر ګذرونو بیارغونې په اړه ښاریانو ته معلومات وړاندې کړل.
