د ښار سمسورتیا او زرغونتیا په موخه میهن د لوړو زده کړو طبي موسسې د یولسمې ناحیې اړوند د ګولايي پارک په زرغونه سیمه کې د ناجو ۱۰۰ ونې کینولې. د ونو کینولو په یادو مراسمو کې د کابل ښاروالۍ مسئولانو، د ښځو شورا استازو ګډون کړی وو او له هغو موسسو او بنسټونو چې د ښار په زرغونتیا کې یې تر دې دمه برخه اخیستې مننه وکړه او د لا زیاتې همکارۍ غوښتونکي شول. د ګولایی مسجد د ۷۰۰۰ متر مربع زرغونه په وروستیو کې له غصب ازاده شوې ده او اوسمهال پکې د زرغونتیا پروګرامونو پلي کیدل روان دي.
