د لومړی ناحیې د ښاري ګزمې ټیم په تیره یوه اونۍ کې راټول کړي یو نیم ټن تاریخ تیره او بې کیفته غذايي توکي د لمنځه وړلو په موخه ټاکل شوي ځای ته ولیږدول. په یادو موادو خرما، زیتون اچار،جوس،معدني اوبه،مکروني،بیسکویت،وچ انجیر، نور څښاک توکي او قروت شامل دي. دا چې د کابل ښار او ولایاتو ټول خوراکي توکي له لومړی ناحیې تمویل کیږي،د یادې ناحیې مسئولان هڅې کوي څو په یاده ناحیه کې تیر وخته او بې کیفیته خوراکي توکي تر پیژندلو وروسته راټول کړي،څو هیوادوال ترې زیانمن نشي.
