کابل ښاروال محمد داود سلطانزوی په بیلابیلو ناحیو کې له ښاري نظم څارنه وکړه او د مسئولانو په ناغیړۍ یې اندیښنه څرګنده کړه ښاغلي سلطانزوی وویل چې د مسئولانو له لوري د خدمتونو رسولو اوسنۍ وضعیت ورته د منلو نه دی او که چیرته خپلې چارې اصلاح نه کړي په ناحیو کې به یو شمیر بدلونونه راولي. نوموړي مسئولانو ته د خدمتونو وړاندې کولو په برخه کې مسئولانو ته یو شمیر لارښونې او سپارښتنې وکړې،څو ورسره ښاري نظم رامنځته شي او له بل لوري د کابل ښاروالۍ له سرچینو سمه ګټه پورته شي.
