له کمپنۍ د برچي پر لور د عرفاني سړک د یوه کیلو متره په اوږدوالي د قیر اچولو کار له بنسټیزو چارو وروسته پیل شو. د یاد سړک کار ډیر مهم دی چې ۲.۷ کیلو مترو په اوږدوالي او ۴۰ متره پراخوالي کمپنۍ له برچي سره نښلوي او د یوه معیاري سړک ټولې برخې په بر کې نیسي. د یاد سړک د ځنډ یو لامل د خلکو د کورونو استملاک وو چې په وروستیو کې د کابل ښاروالۍ په هڅو دا ستونزه حل او د یاد سړک پر مسیر خنډونه لمنځه یوړول شول او ټاکل شوې ده د روان کال تر نیمايي یې چارې بشپړې او ګټې اخیستنې ته وړاندې شي. د یاد سړک په جوړیدو سره به په ترافیکي ګڼه ګوڼه کې کموالی راشي او د دې سربیره به سیمې ونښول شي. د کابل ښاروالۍ مسئولان به له یادې پروژې پر وخت څارنه کوي او د ډیزاین او طراحۍ له اړخه به یې چارې څاري. هیله ده پر یاد مسیر پراته درانه ښاریان له کابل ښاروالۍ سره مرسته وکړي،څو ډیر ژر ورسره اقتصادي ودې او ښاري پراختیا ته زمینه برابره شي.
