د کابل ښار د واټونو نیالګي او ونې له څه مودې را پدیخوا د یو شمیر فرصت لیدونکو او اوباشانو له لوري ماتیږي،نړول کیږي او غلا کیږي او د شپې له تیارې څخه په ګټې اخیستنې په بیلابیلو ناحیو کې د سړک له غاړو نیالګي او ونې غلا کوي. د دې سره سره چې کابل ښاروالي دا موضوع په جدي توګه څيړي، په دې برخه کې د درنو ښاریانو او امنیتي ځواکونو مرستې ته اړتیا لري. له ټولو درنو ښاریانو هیله کیږي، څو د داسې سرغړونو لیدلو، نیالګیو پلورلو او یا په غیر اړوند ځایونو کې د نیالګیو شتون په صورت کې کابل ښاروالۍ ته خبر ورکړي. د داسې سرغړونو لکه د نیالګیو د غلا، نړولو او ماتولو سرغړونکي د ښار جوړونې او ځمکو وزارت قانون د اتلسمې مادې پنځمې فقرې له مخې اصلي حالت په کتو د څلور چنده جریمې په ورکړه مکلف دي. له سرغړونکو سره جدي قانوني چلند کیږي!
