د ښاري نظم د راتګ په موخه د شپاړلسمې ناحیې اړوند له ده مراخان د قلعه زمان خان تر شپیته متره سړک پورې سیمې له ناقانونه غرفو،کپو،سیارو کراچیو او نورو خنډونو چې ښاري ښکلا ته یې زیان اړولی وو پاکې شوې. له ملکیتونو ناوړه ګټه اخیستنه لویه ښاري سرغړونه ده او د قانون پلي کول د کابل ښاریانو د ژوند اړتیا ګڼل کیږي څو غوره بدلون راشي او پلانونه په غوره توګه پکې پلي شي. د اقتصادي او ټولنیزې ودې او غوره ښاري نظم ته د رسیدو لپاره د ښار په بیلابیلو ګڼه ګوڼه لرونکو سیمو کې پلانونه او پروګرامونه طراحي شوي او عملي کیږي.
