سرای شهزاده د کابل ښار په کچه د راکړې ورکړې او پولي تبادلې د یو لوی مرکز په توګه د همغه وخت( ۱۳۳۹) کال اړتیاو ته په کتو ۶۰ کاله مخکې په دریو پوړونو کې په کانګریټي اوسپنیز ډول جوړ شوی دی او ټول پراخوالی یې د صرافانو د فعالیت لپاره ځانګړی شوی دی. د یاد مارکیټ اوسنۍ ودانۍ د څلورم پوړ جوړیدو وړتیا نه لري او وړاندیز کیږي څو تاریخي ارزښتونو او د ښاریانو اړتیاو ته په کتو یاد مارکیټ ته څیرمه په مډرن او ستنډرد ډول د بدیل مارکیټ په جوړیدو فکر وشي. کابل ښاروالي له ښار جوړونې او ځمکو وزارت سره سرای شهزاده ته څیرمه د یوه بل مارکیټ په جوړیدو غور کوي، څو د یاد مارکیټ د مدیریت، سرچینو، حقوقي ماهیت او د لیږد د څرنګوالي په اړه څیړنه وکړي، او دغه راز د یاد مارکیټ له سوځیدو او اور لګیدني څخه د مخنیوي په طرحه هم فکر وشي.
