کابل ښاروال محمد داود سلطانزوی د ۱۴۰۰ کال د غبرګولي په ۳ نېټه د قلعه زمان خان شپیته متره سړک د قیر کار تر بشپړیدو وروسته چې کلونه یې خلکو هیله درلوده د یاد سړک اصلي کرښې وروسته ۱۵ کلونو له بنایۍ سیمې سره ونښلولې او یاد سړک د ترافیکو پر مخ پرانیستل شو. د قلعه زمان خان شپیته متره سړک د کار پرمختګ د کابل ښاروالۍ لومړیتوب وو چې مسئولانو تل په دې اړه ټینګار کیده،څو په تیزۍ او دقت سره د یاد سړک چارې بشپړې کړي. یاد سړک د ۳.۵ کیلو مترو په اوږدوالي او ۶۰ متره پراخوالي په څلورو اصلي کرښو کې په بنسټیزه توګه د کابل ښاروالۍ د کار ساتنې او مراقبت ریاست له لوري جوړ شو. د دې سړک په پرانیستلو سره به د ښاري مرکزي سیمې د کابل له سویل ختیځ زون سره ونښلول شي او په دې توګه به ورسره زیات شمیر ټولنیزې او اقتصادي آسانتیاوې رامنځته شي. دغه راز به د کارته نو،بګرامیو جلال اباد سړک،بنایۍ سیمې او عبدالحق څلورلارې په ترافیکي ګڼه ګوڼه کې کموالی شي .
