ښاري اسانتیاو ته د ښاریانو د لاس رسي د یادې سیمې د سړکونو او کوڅو د بیارغونې چارې چې څه موده وړاندې د کابل ښاروالۍ له پرمختيايي پروګرام پیل شوې وې،لا هم دوام لري چې ټولټال د ۳ کیلو مترو په اوږدوالي او ۵ مترو پراخوالي د هوتخیلو اصلي سړک رغول او د سیمې د یو شمیر کوڅو د اوبو لښتیو په ګډون رغول پکې شامل دي. د یادې پروژې چارې به د رون کال تر پایه بشپړې شي او ورسره به د سیمې د نښلیدو سربیره د سیمې د اوسیدونکو زیات شمیر ټولنیزې ،ترافیکي او چاپیريالي ستونزې حل شي.
