پلې لارې عام ملکیتونه دي او په ټولو ښاریانو پورې اړه لري، چې هیڅوک باید له هغه د پارکینګ په توګه وانخلي، په همدې موخه کابل ښاروالۍ له څه مودې راپدیخوا په دې برخه کې جدي کار پیل کړی دی، چې په دې لړ کې د لسمې ناحیې اړوند په نوي ښار سیمه کې یو شمیر هغه هوتل،رسټورانتونه او نور اصناف چې، پلې لارې یې بندې کړې وې تر پیژندلو وروسته جریمه او تادیب شول. دغه راز یو شمیر هغه رسټورانټونه او نور سوداګریز مرکزونه چې د وسایطو لپاره پارکینګ نه لري،مجبور دي څو د خپلو ودانیو لاندیني پوړونه د وسایطو د پارکینګ لپاره وکاروي او یاد دې ستونزې لپاره نورې لارې چارې وسنجوي. یاده دې وي چې د دې برخې له سرغړونکو سره جدي قانوني چلند کیږي.
