د ښاري اسانتیاو د رامنځته کیدو په موخه د څوارلسمې ناحیې اړوند د پغمان په عمومي باغ سیمه کې د ښاري تشنابونو رغنیزې چارې پیل شوې. دا ښاري تشنابونه په معیاري توګه د وخت اړتیاو ته په کتو د ۲۲ خونو په درلودلو چې د فاضلاب څاه،د وسایلو نصب او نورې اړتیاوې په برخې نیسي د روان کال په لړ کې جوړیږي.د ښاریانو په غوښتنه او ټولنیزو اړتیاو ته په کتو د ښار په بیلابیلو ځایونو کې د ښاري تشنابونو په اړه اقدام کیږي، له یادو تشنابونو سمه ګټه اخیستنه د ټولو ښاریانو دنده او مسئولیت دی. کابل ښاروالۍ اوس مهال د لسګونو ښاري تشنابونو په رغونه او بیارغونه اقدام کړی چې ډیر ژر به یې چارې بشپړې او ګټې اخیستنې ته به وړاندې شي.
