د شپې پر مهال د کابل ښاروالۍ مسئولان په بیلابیلو ناحیو کې له هوټلونو، رسټورانتونو او د هغه اصنافو چې پلې لارې او سړکونه بندوي څارنه او پلټنه کوي. د پلټنو په لړ کې د دوی سرغړنې څیړل کیږي او د قانون له مخې سرغړونکي تادیب او جریمه کیږي او د یو شمیر هغو یې فعالیتونه مهرلاک کیږي. دا پلټنې او څارنې به د بشپړ ښاري نظم تر راتګ پورې دوام ولري. دغه راز د ودانیزو سرغړونکو سرغړونو ته هم رسیدنه کیږي او دا کار ډیر وخت او تدارک ته اړتیا لري څو له خپلسریو مخه ونیول شي او د قانون ماتونکو له زیانونو ښاریان وژغول شي. رسټورانټونه او نور سودګریز مرکزونه باید د پلو لارو، سړکونو او نورو عامو ملکیتونو د بندیدو سبب ونه ګرځي. له سرغړونکو سره جدي قانوني چلند کیږي.
