د ښاري فرهنګ دودونې او سالم چاپیریال رامنځته کیدو په موخه د یوه ټولیز کار په ترڅ کې د څوارلسمې ناحیې اړوند د پغمان له تفریحي سیمو تیت کثافات راټول شول. په یاد حشر کې د مسئولانو سربیره د یادې ناحیې یو شمیر اوسیدونکو هم ګډون کړی وو او ټولو په ښاري پاکۍ ټینګار وکړ. کابل ښاروالي پاک زرغون او له ککړتیا پرته ښار ته په رسیدو کې د ښاریانو ونډه اړینه ګڼي او له نورو بنسټونو او ښاریانو هم غواړي څو په دې برخه کې خپله دیني او ښاري دنده ادا کړي. ډیری بې مسئولیته ښاریان په سړکونو په ځانګړې توګه تفریحي ځایونو کې په غیر مناسبه توګه کثافات اچوي او په دې توګه د تنظیفي پرسونلو پر اوږو دروند بار ږدي او له بل لوري ښاري ښکلا او چاپیریال زیانمنوي. د دې برخې له سرغړونکو سره له دې وروسته جدي قانوني چلند کیږي.
