د کابل ښاروالۍ د څارنې ټیم د ۱۴۰۰ کال د غبرګولي په ۲۵ نیټه د شپې پر مهال د ښار له بیلابیلو برخو څارنه وکړه څو د کرونا وبا له خپریدو مخنیوی وشي او له بل لوري د فعالیت کونکو له لوري ښاري اصول او قوانین مراعات شي. د ودونو هوټل، د لامبو وهلو حوزونه، سوناګانې، حمامونه، سپورټي کلبونه او قیلون خانې د دې اصنافو له ډلې دي. د کابل ښاروالۍ مسئولان یاده موضوع څاري او د سرغړونو په صورت کې د کړنلارو له مخې له سرغړونکو سره جدي قانوني چلند کیږي. د کابل ښاروالۍ د ګزمې سیار ښاري ټیم به د شپې پر مهال خپلو څارنو ته دوام ورکوي،څو کابل ښار د قانونمندی لوري ته لاړ شي.
