د شهید مزاري سړک د دوام چارې له برچې د کابل کندهار لویې لارې پر لور د ۳.۷۹۱ کیلو مترو په اوږدوالي او ۴۰ متره پراخوالي روانې دي.د یاد سړک یوه لیکه به ډیر ژر سره ونښلول شي او د دویمې لیکې کار یې د بشپړیدو په حال کې دی او د قیر کار یې روان دی. د یاد سړک د ساختمان چارې په بنسټیزه توګه د یوه معیاري سړک د ټولو اجزاو د اوبو ویالو، د پلو لارو، کانالونو، استنادي دیوالونو، تنویر، ګلدانونو، تم ځایونو او ترافیکي دهلیزونو په ګډون روانې دي او ټاکل شوې ده د روان کار تر پایه بشپړې شي. د کابل ښاروالۍ د پروګرامونو ریاست او د پروژو انجنیران د یاد سړک له چارو څارنه کوي څو د ډیزاین سره برابرې یې چارې بشپړې شي. یاد سړک د کابل په لودیځ کې له مهمو سړکونو بلل کیږي چې په بشپړیدو سره به یې د اقتصادي ودې سربیره سیمې سره ونښلول شي او ګڼې ګوڼې په کموالي کې به غوره بدلون راشي. سړکونه د ښارونو اصلي اقتصادي رګونه بلل کیږي، چې کابل ښاروالي په دې برخه کې نوې پروژې تر لاس لاندې لري او په بیلابیلو پړاونو کې پلې شي.
