د غوره ښاري نظم د راتګ او معلولیت لرونکو وګړو ته د سالمو بوختیاو موندلو په موخه د کابل ښاروالۍ د رهبرۍ او د شهیدانو او معلولینو چارو وزارت له مسئولانو سره د همغږۍ غونډه ترسره شوه. د کابل ښاروالۍ د ټولنیزو او کلتوري چارو مرستیال څیړنوال محمد فاضل شریفي د غوره ښاري نظم د راتګ او د لاسي توکو پلورونکو د تنظیم په برخه کې د شهیدانو او معلولینو چارو وزارت له همکارۍ په مننې سره ژمنه وکړه چې کابل ښاروالي معلولیت لرونکو وګړو ته د ډاډمنو بوختیاو موندلو په برخه کې همکارۍ ته ژمنتیا لري. ورپسې د شهیدانو او معلولینو په چارو کې د دولت وزارت تخنیکي مرستیالې آغلې جمیله نورستانی د غوره ښاري نظم او د لاسي توکو پلورونکو لپاره د مصئونو بوختیاو موندلو په برخه کې د کابل ښاروالۍ له همکارۍ مننه وکړه او ټینګار یې وکړې چې په دې برخه کې دې یوه ګده کمیټه رامنځته شي او په هغه کې دې معلولیت لرونکي وګړي، د شهیدانو وارثین او نور بنسټونه غړي وي، څو په دې برخه کې یو ټولیز پلان جوړ او د هغه پر بنسټ کار وکړي.
