د ښاري نظم عملیاتي پلان د تطبیق پر دوام، یو ځل بیا د دریمې ناحی اړوند له علي اباد روغتون، ګولایي دواخانه تر مبارک سنټر او له دریمې ناحیې اړوند له پل سوخته تر پل سرخ سیمې له ناقانونه غرفو،کپو او د هټیو مخې ته له ناقانونه رغونو پاک شوې. د پاکولو د عملیاتو په لړ کې فعالیت کوونکو ته سپارښتنه وشوه څو له ښاري بې نظمیو لاس واخلي او خپل فعالیتونه له ښاري اصولو او قوانینو سره برابر کړي. د کابل ښاروالۍ مسئولان ښاري نظم څاري او په دې برخه کې به له سرغړونکو سره جدي قانوني چلند کیږي.
