کابل ښاروال محمد داود سلطانزوی په هغه غونډه چې د نوموړي تر مشرۍ لاندې د مرکزي ریاستونو او ناحیو د مسئولانو په ګدون ترسره شوه،پر شفافیت او د اطلاحاتو پر راوستو ټینګار وکړ. ښاغلي سلطانزوی وویل چې کابل ښاروالي باید یوه فعاله اداره وي، څو ښاریانو ته غوره او ارزښتناک خدمتونه وړاندې کړي. نوموړي لارښونه وکړه چې د کابل ښاروالۍ ټول کارکوونکي باید له فساد سره په مبارزه او د اطلاحاتو په راوستو کې اوچت ګامونه پورته کړي. ښاغلي سلطانزوی وویل له هغه کسانو سره به چې فساد، له کاره تیښته او له اصولو سره په ټکر کې کړنې ترسره کوي جدي قانوني چلند وشي او مفسدین به له درنو جرمونو سره د مبارزې ادارې ته ور وپیژندل شي.
