د لومړی ناحیې اړوند د لاهوري دروازې او بالاحصار شاوخوا سیمې د څارویو له بازارونو او فعالیت کوونکو پاکې شوې، په یادو سیمو کې څارویو پلورونکو له وخت څخه په ګټې اخیستنې او له قانون سره په ټکر دې فعالیت کاوه چې د ښاري او چاپیریالي ککړتیا سبب ګرځیدلي وو. د لومړی ناحیې مسئولانو یو ځل بیا دا سیمې د څارویو له بازارونو پاکې کړې او هلته د دوی ناقانونه تاسیسات ورته ونړول شول. د اوسیدو په ځایونو او ښاري او عمومي سیمو کې د څارویو بازارونه له قانون سره په ټکر دي، چې له سرغړونکو سره به جدي قانوني چلند وشي. کابل ښاروالي ټولو څارویو پلورونکو ته خبر ورکوي،څو په ښاري سیمو کې له فعالیت ډډه وکړي، له دې پرته به یې څاروي ظبط او له قانون سره سم به ورسره چلند وشي. کابل ښاروالۍ د ښار په بیلابیلو زونونو کې د څارویو پلورلو لپاره ځانګړي ځایونه ټاکلي دي او ښاریان کولای شئ له هغو څاروي وپلوري.
