د اولسمې ناحیې مسئولانو د ښاري نطم په موخه د خیرخانې کوتل بازار سیمه له ناقانونه کپو،غرفو،سیارو کراچیو،لاسي توکو پلورونکو او نورو ناقانونه خنډونو چې ښاري نظم یې ګډوډ کړی وو پاکه کړه. د یادې سیمې د غرفو مالکانو او لاسي توکو پلورنکو ته مخکې خبر ورکړل شو څو هر ژر د خنډونو لمنځه وړلو په موخه اقدام وکړي،له دې پرته به سیمه د مسئولانو له لوري پاکه شي،خو دوی په دې برخه کې چندان پاملرنه ونه کړه. د کابل ښاروالۍ د مسئولانو له لوري پلې لارې او زرغونې سیمې له خنډونو پاکې شوې او عمراني پروژو ته اماده شوې څو ټول ښاریان له هغه ګټه واخلي. یاده اداره هڅه کوي څو په ښار کې نظم رامنځته شي او د ښاره بڼه مثبت بدلون وکړي،له دې کبله له سرغړونکو سره جدي قانوني چلند کیږي.
