د ښاري بیارغونو او اسانتیاو رامنځته کولو په موخه د زرنګار پارک شاوخوا د پلو لارو او اوبو لښتیو د بیارغونې په موخه اقدام وشو. دا پروګرام د ( بوختیاو موندلو پروژې) په چوکاټ کې پلان شوی او اوس مهال د پلي کیدو په حال کې دی. د ۹۹۶ مترو په اوږدوالي د زرنګار پارک شاوخوا پلې لارې او د اوبو لښتي د تیرو فرش، زرغونتیا، ګلدانونو او لویو کانګریټي څوکیو په ګډون جوړیږي او ګټې اخیستنې ته به وسپارل شي. د دې پروژې په عملي کیدو سره به د ښاري ښکلا سربیره ډیرو ماهرو کارګرانو ته د کار او ورځ مزد زمینه برابره شي.
