په ښار کې له غږیزې ککړتیا څخه د مخنیوي په موخه د هڅو پر دوام، دا ځل د لومړی ناحیې مسئولان د کابل ښاروالۍ د چاپیریالي روغتیا ریاست په مرسته لسګونه د غږیزې ککړتیا سرغړونو ته رسیدنه وکړه. په دې لړ کې یو شمیر د رسټورانتونو،هټیو او کراچیو غږیزې وسیلې راټولې او ظبط شوې. دغه راز یو شمیر سرغړونکو ته اخطار ته ورکړل شو،څو د خپلو غږیزو وسایلو له ۱۵ دیسیبل او ۳۰.۳۰ مترو اندازې څخه دیر نه کړي. دا پلان به د کابل ښار په نورو سیمو کې هم پلی شي. غږیزه ککړتیا انسانان او نور موجودات لمنځه نه وړي،بلکې په تدریجي توګه د اوریدو حس کمزوری کوي او عصبي ستونزې ورته پیدا کوي، اړینه ده څو یو بل ته لاس ورکړو او د غږیزې ککړتیا په مخنیوي کې هڅې وکړو. پوهه، مسئولیت منل او د قانون،مقرراتو او ښاري اصولو حاکمیت ته د مسئولانو او ښاریانو درنښت په ښاري ژوند کې جدي اړتیا ګڼل کیږي.
