د پاکارۍ په دې عملیاتو کې د ناقونه اعلانونو لرې کول،د هټیو مخې ته د ناقونه رغونو نړول او د نورو هغه خنډونو لمنځه وړل چې د حامد ګرزي هوايي ډګر پر سړکونو د بیارغونې پروژو مخه یې نیولې وه شامل وو. د کابل ښاروالۍ د پلان جوړونې او ښاري پراختیا مرستیال ډاکتر صدالدین تاجک له سیمې لیدنه وکړه او د بیارغونې پروژو د تطبیق په موخه یې مسئولانو ته لازمې لارښونې وکړې، څو د یادو سړکونو ګلدانونه بیا ورغول شي،لیکې یې وویشل شي او دغه راز له یادې سیمې د لاسي توکو پلورونکو او لیني موټرو فعالیتونه بل ځای ته ولیږدول شي. د هوايي ډګر څلورلارې ته په غځیدلو سړکونو د ښکلا او نما لپاره یو شمیر پلانونه او پروګرامونه طرحه شوي دي، چې ډیر ژر به پلي شي.
