د دویمې ناحیې اړوند په اریانا کارته کې د بیني نیزار او ابراهیم خلیل الله جومات شاته د دویمې ناحیې د رئیس انجنیر عبدالتواب احمدي او د سیمې د اوسیدونکو او مشرانو په شتون کې د سړک جوړونې د دوه پروژو کار پیل شو. ټاکل شوې ده د ( ښار د ټولو لپاره) پروګرام له لارې په یادو سیمو کې سړک او کوڅې د ۸۶۰ مترو په اوږدوالي او ۴.۵ مترو په پراخوالي د اوبو لښتیو په ګډون د اته میلیونه افغانیو په ارزښت جوړیږي، چې د سیمې د چاپیریالي ستونزو د حل سربیره به ډیر شمیر ماهرو کارګرانو ته د کار زمینه برابره شي.
