د زمري ۷ مه برابره ده د دې خاورې د ویاړلي او زرغون ملي بیرغ له ورځې سره؛ سږ کال هم دا ورځ د کابل ښاروالۍ د لوړ پوړو مسئولانو،د مدني ټولنو د غړو، د رسنیو د استازو او ډیر شمیر ښاریانو په ګډون د یو لړ ځانګړو مراسمو په ترڅ کې ونمانځل شوه. په یادو مراسمو کې د ۵۰۰ مترو په اوږدوالي د هیواد تر ټولو لوی بیرغ په درالامان واټ کې و رپول شو او دغه راز درې تختونه چې په ملي بیرغ پوښل شوی وو د یو شمیر لوبغاړو په شتون کې د ښار په بیلابیلو برخو په حرکت راوستل شول. له دې دریو متحرکو تختونو ملي ترانې او وسندرې هم خپریدې. دغه راز د کابل ښاروالۍ له لوري د ښار په بیلابیلو برخو کې دې ته ورته نور پروګرامونه هم ترسره شول. ملي بیرغ او نورو ارزښتونو ته درناوی چې زموږ د ملي برم،غرور،سرښندنې او اتلولی ښکارندويي کوي، په ملي او نړیواله کچه د دې خاورې د سرښندونکو او حماسه جوړونکو خلکو له برکته دي.
