د زمري له اوومې یا د ملي بیرغ له ورځې د یو لړ ځانګړو مراسمو په ترڅ کې نمانځنه وشوه او د هیواد تر ټولو لوی ملي بیرغ چې د دې خاورې د غرور، سرښندنو او ملي هویت ښکارندويي کوي د یو لړ دولتي چارواکو په شتون کې د وزیر محمد اکبر خان تپې پر سر وځړول شو او دغه راز روان تخت د ښکار په بیلابیلو برخو کې په حرکت راوستل شو. ملي بیرغ او نورو ارزښتونو ته درناوی چې زموږ د ملي برم،غرور،سرښندنې او اتلولی ښکارندويي کوي، په ملي او نړیواله کچه د دې خاورې د سرښندونکو او حماسه جوړونکو خلکو له برکته دي.
