د اتمې ناحیې اړوند د لومړی کارتې له سیدنورمحمدشاه مینې تر سیاه سنګ او د نوې کارتې تر لومړي سړک پورې سیمو کې د اصلي او فرعي سړکونو د جوړولو پر وړاندې شته خنډونه پاک او لمنځه یوړل شول. سرایونه،هټۍ او نور ناقانونه اصناف چې د یاد سړک پر مسیر یې فعالیت کاوه،د تیرو دوه اونیو په ترڅ کې په بشپړه توګه له سیمې ولیږدول شول او د سړک جوړولو پروژو پلي کیدو ته زمینه برابره شوه. د سید نورمحمدشاه مینې سړک د ماسټر پلان له مخې له سیاه سنګ د نوې کارتې تر لومړي سړک پورې څلور اصلي اوفرعي کرښې لري. کابل ښاروالي په بیلابیلو ناحیو کې د سړک جوړونې پروژو پر وړاندې شته خنډونه لمنځه وړي، څو د کابل ښار غوره ښاري او اقتصادي ودې ته زمینه برابره شي. سړکونه د ښارونو اصلي سوداګریز رګونه بلل کیږي، چې له دې کبله د سړکونو پر وړاندې د شته خنډونو لمنځه وړلو لپاره له کابل ښاروالۍ سره همغږي او همکار و اوسئ.
